Rome-ah Mirza leh Hingis champion

Italian Open hmeichhe double-ah Indian tennis ace Sania Mirza leh a ṭanpui Martina Hingis te chuan Russian pair Ekaterina Makarova leh Elena Vesnina te ṭang dun lakah 6-1, 6-7, 10-3 a hnehna changin an champion.

Pathinnia final khelhah Mirza leh Hingis te hian darkar khat leh minute 30 chhungin hnehna an chang a, kuminah vawi nga an champion na niin nikum kumtir aṭanga an ṭan dun hnuah vawi 14 zet an champion tawh.

Indo-Swiss duo te hian nikum aṭang tawh khan match 41 chhung zet hneh loh nei loin an kaltluang a, mah se kumin February thla khan Doha-ah he an record duhawm tak hi tihtawp sak an ni. Doha hnuah Rome hi an champion lehna hmasa ber a ni nghe nghe.