Ṭap chunga Udinese mangṭha tu Natale

Udinese legend Antonio Di Natale chuan Pathianni zana Udinese tana a match hnuhnung ber a khelh zawhah naupang chhia ang maia a ṭah thu a sawi.

Italy international ṭhin hian Udinese tan season 12 a khelh chhungin match 446 a inlanah goal 227 a khung a, season tawp rual hian Italian club hi a chhuahsan tawh dawn.

Kum 38-a upa striker hi Udinese tana a match hnuhnung berah hian minute 78-ah khelmual chhungah tlan lutin penalty aṭangin goal a khung a, Carpi lakah 2-1 in an tlawm ta tho a ni. Di Natale mangṭhana inkhel hi Carpi tan Serie A an mangṭhana inkhel a ni thung.

Serie A Team of the Year-a
ṭum thum lang tawh striker chuan, "Zinkawng hlimawm tak kum 12 chhung kan zawh ho a, he club tan hian goal 227 lai ka khung a, club chanchinah hriatreng ka hlawh tawh ka beisei," tiin a club hmangaih chu a mangṭha.