Turkish champion Besiktas

Kum sarih hnua a vawi khat nan Besiktas chuan Turkish Super Lig nomawi an chawi ve leh ta a, Pathianni khan an club chanchina an league nomawi 14-na chawi tur hian Osmanlispor chu 3-1 in an hneh a ni.

Turkish coach Senol Gunes-a enkawl Besiktas hian league match khat chiah khelh tur awm tawh-ah anmahni hnaih bertu Fenerbahce aiin point ruk-in hma an hruai fal a, um-phak theih an ni tawh lo.

Besiktas tan he in-khelah hian Brazilian centre-back Marcelo chuan goal hnih a khung a, Bayern Munich striker hlui Mario Gomez chuan tun season-a a league goal 26-na a khung bawk.

Bayern Munich striker hlui hian Fiorentina aṭang-a Turkish club a zawm hnuah ngai a awh chho leh tawh a, tun season-a inelna hrang hrangah match 41 khelin goal 28 a khung thei a ni.