Bomb lem vangin United khelh hun sawn

Pathianni zan kha Premier League tawp zan a ni a, Old Trafford-ah erawh bomb lem vangin Manchester United leh AFC Bournemouth inkhel chu zaniin dar 12:30-ah sawn a ni.

Thil thlen dan

United leh Cherries hi Pa-thian-ni zana khelh tura ruahhman a ni a, amaherawhchu inkhelh ṭan hmain Manchester United staff zinga mi chuan Sir Alex Ferguson Stand leh Stretford End inkara inthiarnaah (toilet) bomb ang tak hmuin police a hriattir nghal.

Stadium hmun ṭhen-khat chu tihruah nghal a ni a, amah-erawhchu Greater Man-chester Police (GMP) leh Man Utd club hotute inbiak hnuah mipui himna ngaihtuahin an thutlukna chu inkhelh kaltlang pui loh a ni.

Bomb lem?

GMP-a assistant chief con-stable John O’Hare chuan, "Bomb ni tura kan rinhlelh kha bomb lem - a tak ang thei ang bera siam a ni. Private company-ten thil thleng thut thei chungchang an zirlawknaa an theihnghilh palh a ni," tiin thil awm dan a sawifiah.

Rik rum thilah team pahnih ṭantu mipuite'n thuneitute thu an ngaichang te, police leh United inbuatsaihna ṭha chu an fak nasa hle.

Maktaduai 3 hloh

Manchester United chuan tic-ket nei zawng zawng chu an refund sak vek dawn a, Thawh--lehni zana inkhel pawh hi a thlawnin en an phalsak bawk dawn. Season ticket nei supporter-te chu hamṭhatna an pe tel bawk ang.

United hian supporter-te chunga ṭhat an chhuah avangin pound maktaduai thum an hloh turah an chhutsak. Tun season Premier League match tawp berah hian United-in ticket an hralh zo vek a, fan ṭhenkhat hi England mai ni loin Azerbaijan leh Sierra Leone aṭanga zin te an nih avangin club ang thoin supporter-te pawhin pawisa an hloh nasa hle.