MOA-in National Games-ah player tirh tam an duh

Mizoram Olympic Association chuan May 16, Ningani khan Aijal club-ah Executive Committee an nei a, 37th National Games Uttarakhand-ah player tam thei ang ber a tirh theih ngei ṭha an ti.

MOA chuan affiliated association-te anmahni discipline ṭheuha National Games an qualify theih tura ṭan la turin hmalakpui an tum bawk. Mizoramin kumin National Games neih turah football leh hockey khel turin an tling tawh a ni.

MOA hian North East Games vawi 3-na Nagaland-a zawh taka Mizoram chet dan a thlir let a, result ṭhaah ngai mah se chak lohna lai insiamṭhatna turte an sawi ho bawk.

Olympic Day hi kumin tinin June 23-ah hman ṭhin a ni a, MOA hian kuminah pawh urhsun taka hman leh an tum a ni.