Neverkusen aṭangin invincible?

Bayer Leverkusen-in nomawi chawi an harsat a, 'Neverkusen' hminglem an pe hial. Kum 119-a upa club hian tun hmaiin Bundesliga nomawi an chawi ngai lo a, tun season-ah Xabi Alonso kaihhruaina hnuaiah an champion. Zanin dar 7:00 hian Augsburg an mikhual ang a, inkhelh banah an mual BayArena-ah nomawi an chawi dawn.

Leverkusen hian Augsburg lakah point an hmu hrim hrim a nih chuan tun season-ah league tlawm an nei lo tihna a ni ang. Champion theih loh vanga Neverkusen hminglem an pek kha, 'Invincible' thei dinhmun an ding hial.

Alonso hote ropuina chu Bayern Munich rorelna an titawp a, Bundesliga an thunun bakah tun season-ah tlawm an la nei lo - Europa League leh DFB Pokal-ah final lut tawhin champion thei an la ni bawk.

Bayern erawhin Bundesliga nomawi an chan bakah tun season hrim hrimah nomawi an chawi lo. Manager Thomas Tuchel pawh season tawp rualin a chhuak dawn a, zanina Hoffenheim an hmachhawn tur hi Bavarians a enkawl hnuhnun ber a ni ang.