Chelsea hma thlir a thui

Premier League club Chelsea-in Brazilian club Palmeiras nen rawlthar duhawm Estevao Willian chungchangah pound maktaduai 29-in inremna an nei. London club hian khawvela rawlthar ṭha rual sengluh tumin hma an chho mek.

Blues lakluh tawh zingah Andrey Santos, Deivid Washington leh Angelo te chu a langsar an ni a, Ecuadorian forward Kendry Paez pawh kum 2025 aṭanga Stamford Bridge zawm turin a khelhna Independiente del Valle nen inremna an nei fel tawh bawk. Kum 17 mi Paez hi ram tan pawh vawi ruk khel tawhin goal khat a khung tawh.

Palmeiras aṭanga an la tur Estevao Willian pawh hi kum 17 mi tho a ni a, Lionel Messi ngaisangtu niin a khelh dan avanga 'Messinho' hming lem an pek hial a ni.