De Zerbi-a'n Brighton chhuahsan dawn

Nizan khan Brighton & Hove Albion leh Manchester United an inkhel a, head coach Roberto de Zerbi tan Seagulls a enkawl hnuhnun ber a ni. Inkhelh hmain club chairman Tony Bloom-a'n De Zerbi hi a chhuah tur thu a sawi.

Shakhtar Donetsk coach hlui De Zerbi hian September 2022 khan Seagulls hi a zawm a, season liam ta khan parukna nihpuiin Premier League-a an club chet ṭhat ber ṭum a ni a, a vawi khat nan European inelnaah an inlan bawk.

Brighton hian De Zerbi thlak tur hian Premier League-a Ipswich Town kaipuitu Kieran McKenna lakluh theih an inbeisei. McKenna hi Ole Gunnar Solskjaer hnuaia Man United enkawltu zingah khan a tel a ni.