Final khel tur a chiang dawn?

MPL Under 17 league round hnuhnung ber chu vawiin hian 1st Bn MAP Ground-ah khelh a ni dawn a, club pali Chanmari FC, Electric Veng, Aizawl FC leh FC Venghnuai te final lut thei dinhmunah an ding.

Chawhma dar 9:00-ah Project Veng FC leh Aizawl FC te an inkhel dawn a, AFC hian final lut turin chiang takin a chak an mamawh ang. Chutihrualin Project Veng hi an inlan lo a nih chuan AFC hi 3-0 a chaka puan tur a ni dawn a, goal thum aia tam an mamawh avangin Kolasib club inlan hi AFC tan a pawimawh hle.

Chhun dar 12:30-ah Chhinga Veng FC leh FC Venghnuai te an inkhel dawn. Venghnuai hian head to head-ah Chanmari leh Aizawl FC te an ngam lo a, chutihrualin final luh beiseina nei turin chiang taka chak an mamawh.

A tawp berah Chanmari FC leh Electric Veng FC te an inkhel dawn a, pakhatna leh pahnihna dinhmun hauh mektu an nih avangin inkhel tur zingah a pawimawh ber a tih theih. Chanmari tan draw a tawk a, chutihrualin chuan an chak lo chuan tla ve thei tho an la ni. EFC tan erawh chak loh chuan final khelh phak a a harsa ang.