Sabalenka hnehin Swiatek a champion

Iga Swiatek chuan player ṭha danglam bik a nihna a takin a lantir leh ta. Inrinni zan khan Italian Open hmeichhe final-ah Swiatek hian Aryna Sabalenka chu straight set hmanga hnehin a champion.

Polish nula Swiatek tan harsatna tur a awm lo, tennis a zinkawnga a nomawi 21-na chawi tur hian 6-2, 6-3 in a chak - kum 22 mi chauh a la ni a, a nomawi chawi leh a kum zat a intluk teuh hle.

Swiatek chuan, "Madrid Open kan khelh hnu kha ka tan Rome khawpuia inkhelh hi a awlsam dawn lo tih ka hre nghal, a chhan chu tun season chu clay court-ah hian player dangte an khel ṭha em em a, hmachhawn an hautak thei hle.

"Tunah chuan clay court season kharna lian kan hma bakah a awm ta, ṭha tak maia tournament ka khelh bakah French Open inbuatsaihna a nih nghal avangin a lawmawm dan hi a thuah hnih hle a ni," a ti.

Tun kar aṭangin Paris khawpuiah French Open an khel ṭan dawn, clay court bikah chuan inelna lian leh tun season atana a hnuhnung a ni dawn - June thla chawhnu lamah chuan Wimbledon lam an hawi leh thung tawh ang.