MLS hmahruaitu Inter Miami

Lionel Messi telna Inter Miami chu MLS-ah Eastern Conference hmahruaitu an ni. Nimin zing khan Inter Miami-in DC United an mikhual a, goal awmchhun hi injury time-a Leonardo Campana khung a ni.

Inter Miami tan hian Barcelona player hlui Messi, Luis Suarez, Sergio Busquets leh Jordi Alba ten bul an ṭan vek. Goal pawh hi Busquets-a ball vawrhluh a ni a, Campana finishing a ṭha ve bawk.

Kumin hian Copa America a awm dawn a, June 20 - July 14, 2024 chhung hian United States-ah khelh a ni dawn. Inelnaah hian US pawh tel dawn mah se MLS erawh chawlh a ni dawn lo. Messi hian Argentina team a zawm hmain Inter Miami hi match thum a la khelhsak hman beisei a ni.