India team lailawkah Aizawl FC captain
2019 Asian Cup qualifiers-ah India-in Laos an tum dawn a, Stephen Constantine-a'n player 34 awmna probables squad a puanchhuahah David Lalrinmuana hming a tel.
Aizawl FC captain bakah hian inhliam hnua rawn kir Lalrindika Ralte, Shillong Lajong winger Isaac Vanmalsawma leh Mohun Bagan striker Jeje Lalpekhlua-te koh an ni.
David hian I League-ah MPL champion hi pariatna nihpui pha ṭawk mah se vawi 16 khelh theihah vawi 14 inlanin vawi li lai Hero of the Match a thlan a ni.
Zemabawk North tlangval hian Federation Cup-ah Aizawl FC hi final a thlenpui avangin probables squad-a a tel hi a mak lo a, chutihrualin India team-a tel tak erawh a la harsa deuh mai thei a ni.
Hnahthial rawlthar Isaac-a'n season tawp lam a hman ṭhat vangin koh zingah a tel a, Lunglei midfielder Didika a dam chhoh leh takah chuan India team-ah hmun nghet a chan chhoh leh theih a rinawm. Bagan striker Jeje erawh India squad-ah a tel chiang mai ni loin ram innghahna a ni pha thung.
Ram tana kohte hian IG stadium, Guwahati-ah May 19 aṭangin training an
ṭan ang a, Federation Cup final-a inlan turte erawhin Fed Cup an khelh zawh veleh an zawm thung ang.
May 30 hian India team hi Laos hmachhawn turin an zin chhuak ang a, June 2-ah first leg an khel ang. June 4-ah India team hi an rawn kir ang a, June 7 hian Laos hi Guwahati-ah an hmachhawn leh ang.
India Probables Squad chu:
Goalkeepers: Subrata Paul (DSK), Gurpreet Singh Sandhu (Stabeak FC), Amrinder Singh (BFC), TP Reheneesh (East Bengal) & Albino Gomes (Salgaocar).
Defenders: Augustin Fernandes (Salgaocar), Arnab Mondal (East Bengal), Pritam Kotal (Mohun Bagan),Sandesh Jhingan (DSK), Rino Anto (BFC), Keegan Peirera (BFC), Narayan Das (East Bengal), Chinglensana Konsham Singh (Lajong) & Fulganco Cardozo (Sporting).
Midfielders: David Lalrinmuana (Aizawl FC), Lalrindika Ralte (East Bengal), Francis Fernandes (Delhi Dynamos), Isaac Vanmalsawma (Lajong), Holicharan Narzary (Dempo), Seityasen Singh(Salgaocar), Vinit Rai (Dempo), Dhanpal Ganesh (Chenniyan FC), Pronay Halder (Mohun Bagan), Eugeneson Lyngdoh (Bengaluru FC), Mohammed Rafique (East Bengal), Harmanjot Singh Khabra (East Bengal), Udanta Singh (Bengaluru FC), CK Vineeth (Bengaluru FC) & Anthony D'Souza.
Forwards: Jeje Lalpekhlua (Mohun Bagan), Sunil Chhetri (Bengaluru FC), Sumeet Passi (Sporting), Alwyn George (Bengaluru FC) & Jackichand Singh (Salgaocar).