Verstappen hi F1 champion a la ni thei ang - Amersfoort

Formula 3 team boss Frits van Amers-foort chuan tun hnaia Formula 1 khawvel rawn sawi nghingtu Max Verstappen chu world champion a la nih theih a rin thu a sawi.

Verstappen hi khawvela car intlan-siakna hautak leh langsar bera ngaih Formula 1 inelnaah hnehna chang thei naupang ber a ni a, Pathianni a tlan zawh tak Spanish Grand Prix-ah khan kum 18 leh ni 228 chauha upa ni chungin hnehna a chang.

2015 Australian Grand Prix-ah khan Verstappen hian kum 17 leh ni 166 chauha upa ni chungin a vawi khat nan F1 car a lo khalh tawh a, F1 car khalh thei naupang ber a ni tawh bawk!

Amersfoort hian Vers^-tap-pen hi tun hmain a lo enkawl tawh ṭhin a, Formula 3 inelnaah intlan-siak vawi 32 a hmachhawn aṭangin vawi 10 hnehna chang nghe nghein FIA European Championship-ah pathumna a ni hial.

Dutch driver chungchang sawiin Amersfoort chuan, "Max hi chu mi dang-lam bik a ni a, intlansiakna khawvelah hian theihna nei sang berte zinga mi a ni ang. Hmasawnna tur tam tak a la nei tih chu hriatsa vek a ni a, world champion a la ni thei ngei ang tih hi ka ring tlat a ni," tiin a sawi.

Tun season-a Formula 1 intlansiak parukna ni turin May 29 khian Monaco Grand Prix an tlan leh ang.