NBA Conference Finals Thunder lakah Warriors an chak lo

NBA Western Conference Final Game 1 chu nimin zing khan khelh a ni a, Oklahoma City Thunders chuan Golden State War-riors lakah 108-102 in hnehna an chang. Ningani zing dar 6:30-ah Game 2 khelh leh tur a ni ang.

Oracle Arena-a in-khelah Warriors lamin bul ṭan ṭha zawkin first a zawh meuh chuan 60-47 niin point 13 zetin hma an hruai fal der tawh a, mah se second half-ah Russell Westbrook rawn inlarin point 27 zet a rawn score a, Kevin Durant chuan point 26 score bawkin beisei loh hnuah hnehna an chang let ve leh ta a ni.

Quarter hnihna zawh nan second 1.5 chauh a awm tawh tihah Curry chuan three points a vawm lut leh a, NBA Playoff bikah a zawna match tina three point
ṭum 45 a neih zawnna niin Indiana Pacers legend Reggie Miller-a record lo siam tawh a zawna vawi 44 three point neih chu a rawn khum leh ta a ni.

Warriors tan Stephen Curry, Klay Thompson leh Draymond Green ten nidang angin danglamna an thlen zo lo a, MVP Curry chu team tana thawhhlawk ber ni leh thoin point 26 a score bakah assists vawi 10 neiin rebounds ṭum sarih a la bawk.