Neymar-a'n Olympic gold medal a dah sang

Brazil captain Neymar chuan a thil duh leh chak ber pakhat chu Olympic gold medal lak a nih thu a sawi chhuak.

Neymar hi thla leha khelh tur Copa America-ah a inlan dawn lo a, a chhan chu August thlaa an rama khleh tur Rio Olympic-ah a inlan zawk dawn vang a ni.

Kum 24-a upa Ney-mar chuan gold medal a duh thu sawiin, "Mawhphurhna la turin ka inpeih a, mahni ram ngei a Olympic gold medal dawn hi kei aia chak an awm bik kher lo ang," tiin a sawi.

Club football lamin nipui chawlh an hman chhung hian Neymar hian international tournament lian pahnih khelh theihna hun a nei dawn a, mahse Barcelona lam chuan an player hi inelna pakhat bak hmachhawn an remti lo.

A club thuthlukna a zah thu sawi telin Ney-mar chuan, "Inelna lian pahniha inlan ka duh a, mahse club thutlukna pawh ka hrethiamin ka zah hle a, midang zel tan pawha la
ṭha zawk tur a ni," a ti.

Neymar hian Spain-ah kum hnih chauh hun la hmang mah se La Liga nomawi ṭum hnih a chawi tawh a, nikum khan league-ah goal 22 khungin kuminah goal 24 a khung thung.