Bolt enkawl a ngai - coach

Khawvel mihring piang tawh zinga tlan chak ber Usain Bolt chu malpui na vangin enkawl mek a ni thu a coach Glen Mills chuan a sawi chhuak.

Kumina a vawi khat intlansiakna ni turin In-rinni khan Cayman In-vi-tational meeting-ah Bolt hi a inlan a, US sprinter Dentarius Locke leh Jamaican sprin-ter Kemar Bailey-Cole hnehin pakhatna a ni. Mahse, a malpui a tih nat avangin Germany-ah tun hma lama amah lo enkawl tawhtu doctor Hans Wil-helm Muller Wohl-fahrt hnenah a inenkawl leh mek a ni.

Kum 29-a upa Bolt hian Beijing leh London Olympic-ah te khan 100m, 200m leh 4x100m-ah te hnehna a chang vek a, August thla a neih tur Rio Olympic-ah pawh a gold medal humhim a tum ruh hle.

Jamaica Radio kal-tlangin Mills chuan, "A intlansiak tawp lam kha in en chiang a nih chuan harsatna a nei tih in hmu thei ang. Doctor nen a chungchang hi kan sawi dun tawh a, ṭhat lam a pan chho leh nghal turah kan ngai, duhthusam a ṭhain la tlan lo mah se beisei kan nei sang chho zel e," tiin Rio Olympic atana beiseina an neih san thu a sawi.