Argentina tan Messi a pawimawh - Riquelme

Villarreal attacking midfielder hlui Juan Roman Riquelme chuan Argentina-in Copa America Cen-tenario-a hlawhtlinna an chan theih nana mi pawimawh chu captain Lionel Messi a nih thu a sawi.

Season ṭan dawn khan Messi hian a khupah hliam a tuar a, hei vang hian thla hnih vel a inkhel thei lo. Hetih chhung hian Argentna hian World Cup qualifiers match li an khelh aṭanga ṭum khat chiah hnehna changin an dinhmun a ṭha lo hman hle a ni.

Mahse, Ballon d'Or chawi-mawi-na vawi nga dawng tawh Messi a rawn kir hnuah Argentina hian Chile leh Bolivia an hneh leh tawh a, Barcelona-in tunhnai season riat chhunga a vawi ruk nana La Liga nomawi an chawi theih nan pawh a thawhhlawk leh hman hle bawk.

Argentina tana match 51 khel tawh Riquelme chuan, "Copa America atan hian beiseina ka nei sang hle, Messi hi a inhliam a nih loh chuan kan champion theih ka ring. Messi ho hian nomawi liantham la chawi lo mah ila a khel ṭha a nih phawt chuan khawvela team ṭha ber kan ni thei ang," tiin a sawi.

Kum 28-a upa Messi hian FIFA World Cup leh Copa America final a khel tawh a, mahse Germany leh Chile lakah a vanduai zawkah a
ṭang thung a ni.