FA-in Chelsea leh Spurs pawisa chawitir

18th May, 2016

England a football thuneitu sang ber Football Association (FA) chuan Chelsea leh Totteham te chu £375,000 leh £225,000 a chawi tir a, he hi an player-te an thunun zawh loh vang a ni.

May 2 khan Stamford Bridge club pahnihte hian Premier League match an khel a, 2-2 in an inhnehtawk. Hemi ṭum hian Tottenham defender Danny Rose leh Chelsea winger Willian intibuai
ṭhelh turin Spurs manger Mauricio Pochettino a lut hial a, inkhelh zawh hnuah Rose hian Blues boss Guus Hiddink chu a nam thlu bawk. Yellow card 12 zet pawh a ngai hial a ni.

Spurs midfielder Mousa Dembele chuan Diego Costa mitah a khawih a, referee Mark Clattenburg chuan Dembele chet dan hi hmu lo mah se TV replay-ah Belgian midfielder chet dan hi a lan avangin FA chuan thubuai an siamsak ta tho a, tun thla tir khan tharum thawh avang hian match ruk khel thei lo tura hrem a ni tawh bawk.