Arsenal-ah Xhaka a chiang?

June 9-ah nipui trans-fer bazar hawn ṭan a ni dawn a, club ṭhenkhatin player ṭha an inchuh mek. Arsenal pawhin Granit Xhaka an hnim hnai tawh hle a, Borussia Monchengladbach mid-fielder nen hian a thuphung chuan an inrem tawh nia sawi niin Euro 2016 hma ngeiin contract ziah fel hman an beisei.

Arsenal manager Arsene Wenger chuan tun hnaiah Xhaka hi a ngaihven hle tih a chiang tawh a, sum ngah Manchester City pawhin Swiss midfielder hi an ngaihven nia sawi ni mah se Xhaka hian Pep Guardiola hnuaiah ai chuan Wenger enkawlna hnuaia khelh a duh zawk niin a lang.

Kum 23 chauha upa la ni mah se Xhaka hian Switzerland tan match 40 khelin goal ruk a khung tawh a, Bundesliga club Borussia Monchengladbach tan pawh match 102 a khelh aṭangin goal ruk tho a khung tawh bawk a ni.

Premier League-a pahnihna Arsenal hian central defender an mamawh thu sawi bawk mah se Juventus forward Alvaro Morata an ngaihven mek niin an sawi bawk.