Germany preliminary squad-ah Schweinsteiger

France-a Euro 2016 khelh tur atan Germany chuan player 27 hming chuanna preliminary squad an puang ve leh ta a, hliam vanga March thla aṭanga inkhel tawh lo Manchester United mifielder Bastian Schweinsteiger chu squad-ah hian telh niin captain a ni ang.

Ram tana la inlan ngai lo player zingah kum 21-a upa Bayern Munich midfielder Joshua Kimmich leh kum 20-a upa Bayer Leverkusen winger Julian Brandt-te chu telh an ni.

Player 23-a la tih tlem leh tur squad-ah hian Liverpool midfielder Emre Can pawh telh a ni a, player langsar zingah Arsenal midfielder Mesut Ozil chu squad-ah hian a hming a lang bawk.

Germany coach Joachim Low-a'n striker pangngai pakhat chiah a ko a, Italian club Fiorentina aṭanga Besiktas-a loan-a khel mek Mario Gomez chu koh niin kum 30-a upa striker hian tun season-a inelna hrang hrangah goal 28 a khung a ni.

Germany hi Group C-ah Northern Ireland, Poland leh Ukraine-te nen an awm ho.

Germany squad:

Goalkeepers: Manuel Neuer (Bayern Munich), Bernd Leno (Bayer Leverkusen), Marc-Andre ter Stegen (Barcelona)

Defenders: Jerome Boateng (Bayern Munich), Emre Can (Liverpool), Jonas Hector (Cologne), Benedikt Hoewedes (Schalke 04), Mats Hummels (Borussia Dortmund), Shkodran Mustafi (Valencia), Sebastian Rudy (Hoffenheim), Antonio Rudiger (AS Roma)

Midfielders: Karim Bellarabi (Bayer Leverkusen), Julian Brandt (Bayer Leverkusen), Julian Draxler (Wolfsburg), Mario Goetze (Bayern Munich), Sami Khedira (Juventus), Joshua Kimmich (Bayern Munich), Toni Kroos (Real Madrid), Thomas Mueller (Bayern Munich), Mesut Ozil (Arsenal), Lukas Podolski (Galatasaray), Marco Reus (Borussia Dortmund), Leroy Sane (Schalke 04), Andre Schuerrle (Wolfsburg), Bastian Schweinsteiger (Manchester United), Julian Weigl (Borussia Dortmund)

Striker: Mario Gomez (Fiorentina)