Ibrahimovic chungchangah behchhan an nei lo - agent

Thawhṭanni khan France lamah chuan Zlatan Ibrahimovic-a'n Manchester United a zawm dawn niin thuziak a awm a, mipuiin an ngaihven hle.

PSG chhuahsan tur Ibra chungchang an ziah danah chuan kum 34-a upa striker hi United-in kum khat atan an sawm a, contract hi kum khat dang pawhsei leh thei a ni bawk.

Sweden captain Ibra agent Mino Raiola chuan, "Tunlai khawvelah chuan thuthar thehdarhtu hian an ngaihtuahna an ziak a, an duh duh an ziak chawp ṭhin. Ibra chungchang an ziah hian behchhan a nei lo," tiin thil awm dan a sawifiah.