Pro Volleyball League Anastasia VC an lian zel

Thawhlehni zan khan Pro Volleyball league round khelh chhunzawm leh a ni a, Anastasia VC, Electric Veng chuan 3rd Bn MAP lakah 3-2 a hnehna changin final lut turin an dinhmun an sawh nghet.

Dengṭhuama Indoor Stadium, Mualpuia inkhelah Anastasia hian 25-20, 25-22, 29-27, 25-12, 15-12 in hnehna an chang a, match thum an khelh aṭanga point sarih hmuin Hunthar VC nen an point hmuh zat a intluk chiah. Lalzuatliana chu Man of the Match atana thlan a ni.

Nizana Hmingi VC leh TNT te inkhel result kan hre hman lo a, zanin hian a hmun ngaiah inkhel pakhat awm leh tur niin table-a a sang pahnih Anastasia leh Hunthar an inhmachhawn leh ang.

Anastasia leh Hunthar inkhel tur hi a pawimawh dawn a, a chak zawk zawk hian league match khat khelh tur la ni mah se final lut turin an dinhmun a ṭha tawh dawn a, midang in-khel results a zirin final an lut chiang nghal thei bawk.