Vawiinah HPC Cup semifinal

Lunglei District chhunga khua/veng ball pet thiam ber a hriat hnai ta. Vawiin hian Ṭhuamluaia Mualah 6th HPC Cup semifinal khelh a ni dawn a, chawhma dar 11:00-ah Rahsi Veng leh Venghlun te inhmachhawnin chawhnu dar 2:00-ah Electric Veng leh Zobawk South te an inkhel zui ve leh bawk ang. Final hi May 23-a khelh tura ruahman a ni.

Lunglei District FA buatsaih HPC Cup-ah hian team 37 zet an tel a, group pakuaah ṭhen hran niin group tina point hmu sang ber ṭheuh bakah pahnihna zinga point hmusang pasarih ten last 16 an inpet tling.

Rahsi Veng hian semifinal-ah Thil--tlang chu Ramdinmawia goal khat khung hmangin an hneh a, an khingpui tur Venghlun hian Lunglawn chu hun pangngaiah 2-2 a an inhnehtawkpui hnuin penalty shootout-ah 4-2 in an hneh thung.

Quarter final lehlamah Electric Veng chuan K. Lalchhanhima goal hnih bakah H. Lalhlimpuia penalty chhuih luh hmangin 3-1 in an hneh a, Zobawk South chuan Pukpui chu penalty shootout-ah 3-0 in an hneh ve bawk.

Vawiin Inkhel Tur

11:00 AM Rahsiveng vs Venghlun

02:00 PM Electric Veng vs Zobawk South