French Open khel lo tur Wozniacki leh Bencic

Kumina Grand Slam pahnihna tur French Open chu May 22 aṭanga June 5 hian Stade Roland Garros-ah khel a ni leh dawn a, player langsar ten inlan vek an duh laiin world number 1 hlui Caroline Wozniacki leh Belinda Bencic te chu hliam vangin an khel thei dawn lo.

Kum 25-a upa Woz-niacki hi a ke rek na vang-in tunhnaiah a buai deuh reng a, Madrid leh Rome-ah pawh inlan thei loin world ranking-ah pawh 34-naah a tlahniam tawh. Hmeichhe tennis thuneitu sang WTA chuan Roland Garros-ah Wozniacki inlan loh tur thu an ti chiang tawh a ni.

World number 8 Ben-cic pawh hi champion thei turte zinga mi a ni a, mahse Switzerland nu-la hi March thla aṭanga a buai phah tawhna hnungzâng na vangin a inlan thei dawn lo bawk.

Kum 19-a upa Bencic hmunruak hi Lauren Davis-i'n a luah dawn a, kum 22-a upa Davis hian 2012 French Open-ah khan second round a lo thleng ve tawh nghe nghe. Zirtawpni hian French Open draw hi neih tur a ni ang.