Delhi tan Rising Pune an sang

Thawhlehni zan Indian Premier League in--khelah Rising Pune Supergiants leh Delhi Dare-devils an inkhel a, ruahsur vanga DL method hman niin Pune hi run 19-a chak zawkah puan an ni.

He inkhela bat hmasa zawk Delhi Daredevils chuan over 20-ah run 121 siamin mi paruk an hloh a, run 41 siamtu Karun Nair chu Delhi batsman zinga run siam hnem ber niin Delhi target hi um phak huphurhawm a ni lo.

Rising Pune-in over 11 lek ball an hmachhawn hman tihin ruah surin in-khel a ti buai a, Super-giants hian run 76 siam hmana mi pakhat chiah an hloh avangin DL method hmangin chak zawkah puan an ni.

Pune tan hian Ajinkya Rahane chuan run 42 siam-in a tawp thleng a dam a, a khel chhe lo.

Zanin IPL-ah inkhel pakhat chiah a awm dawn a, zan dar 8:00 hian Gujarat Lions leh Kolkata Knight Riders an inhmachhawn ang.