Higuain dahsangtu Toni

Luca Toni chuan tun season Serie A top scorer Gonzalo Higuain a dah sang hle a, European Golden Shoe dawngtu Luis Suarez ai pawha ṭha zawk hiala a hriat thu a sawi.

Tun season-ah Argen-tina international hian goal khung a thiamzia a lantir a, goal khung harsatna league nia an sawi ṭhin Serie A-ah match 35 a khelh aṭangin goal 36 a khung thei. Hetihlai hian Suarez chuan Barcelona tan La Liga match 35 a khelh aṭangin goal 40 zet a khung thung.

Italy international hlui Toni chuan, "Ka ngaihdan chuan Higuain hi chu goal khung thiam danglam bik a ni a, Suarez ai pawhin a ṭha zawk hialin ka hria. Tun season-ah Napoli tan hna ropui tak chhinchhiah reng tawh tur a thawh sak a ni," tiin a sawi.