Manager ropui Pep Guardiola

Pep Guardiola hian Manchester City a pan hmain FC Barcelona leh Bayern Munich-ah record duhawm tak a nei a, English club-ah a ropuina a belhchhah. Premier League-a a zawna vawi li a champion hma hian Pep-a'n City hi an la champion ngai lohna Champions League-ah a champion pui a, Spanish manager hian record thar a siam zel a ni ber.

Barca a enkawl laiin Pep hian Catalan club hi a treble champion pui tawh a, City a enkawl hnuah treble champion lehin manager vawi hnih treble champion thei hmasa ber a ni. Tun season-ah Premier League-a vawi li champion zawn thei hmasa ber a ni a, a record hi a ropui takzet.

Guardiola contract hi June 2025-ah a tawp dawn a, Spanish manager hian season tharah a cham dawn tih a nemnghet tawh. Chutihrualin a contract thar erawh a ziak zawm kher lo maithei. Pep chuan, "A tak ramah chuan cham chhunzawm aiin chhuah ka hnaih tawh zawk. Club nen chuan kan inbia a, tunah chuan cham ka duh a, season tharah ka cham dawn. A hnu lam chu kan indawr zel ang," tiin a sawi.