PVL league round khar dawn

Ather Pro Volleyball League 2024 chu zanin dar 8:00 hian league round bik khelh zawh a ni dawn a, hmahruaitu Hunthar leh Durtlang North te an inhmachhawn ang.

PVL-ah Hunthar hian semifinal an lut chiang tawh, match li an khelh tawh chinah set hloh hloin hnehna an la chang vek - zaninah an player ṭha ṭhenkhat chu an hahchawlhtir hial mai thei.

Tuichangral leh Thuitak Nunpuitu Team (TNT) an tlang tawh bawk, champion lai TNT hian beisei angin an khel ṭha tawk lo a, pathumna niin semifinal-ah an chunga awm Tuichangral nen an inhmachhawn ang.

Nizan khan Mizo hlanga khel Hlimen leh Chhinga Veng Spikers an inhmachhaawn a, result kan hre hman lo. Spikers hi an chak lo a nih chuan semifinal luh beiseina a bo nghal dawn a ni.