Hlimen lakah Spikers chak

Chhinga Veng Spikers chuan Ather Pro Volleyball League 2024 khelh laiah Hlimen chu 25-16, 25-16, 20-25, 25-22 (3-1) in an hneh a, league round bikah match nga aṭangin vawi hnih hnehna an chang.

Nizan khan Durtlang North leh Hunthar an inkhel zui - Durtlang North-in pakhatna ni chiang sa tawh Hunthar an hneh chuan Spikers an tla dawn a, set hnih laa point khat an hmuh belh a nih chuan Chhinga Veng nen an point inzatin, an set lak dan en a nih dawn avangin Hlimen laka set hloh a pawi thei a ni.

PVL-ah hian Hunthar, Tuichangral leh Thutak Nunpuitu Team chuan semifinal an lut chiang tawh, nizan inkhel result a zirin hmun ruak pakhat la awm chu hnawhkhah a ni ang.

Hmeichhe inelna lam chu league round an khel zo fel tawh. May 23, Ningani zan aṭangin semifinal an khel ṭan ang, champion lai Luangmual leh Bungkawn an intum dawn a, semifinal lehlamah Diakkawn leh Serkawn an inhmachhawn ve thung dawn a ni.