Bundesliga player ṭha ber Florian Wirtz

Bayer Leverkusen-in league nomawi an chawi nana player thawhhlawk Florian Wirtz chu Bundesliga Player of the Season atan thlan a ni - Wirtz hian tun season-ah league match 32 khelin goal 11 a khung a, assist vawi 12 a nei bawk.

Kum 21 mi attacking midfielder hian inelna hrang hrangah match 47 khelin goal 18 a khung a, assist vawi 20 a nei. Bundesliga bikah tun season chhungin Player of the Month-ah ringawt vawi thum thlan a ni a, October, December leh February-ah te khan a ni.

Bundesliga season hman zawh takah khan Player of the Month lawmman vawi hnih dawng pahnih an awm bawk a, VfB Stuttgart tana khel ve ve Serhou Guirassy (September & March) leh Deniz Undav (November & January) niin, Wirtz-a khelhpui Alejandro Grimaldo (April) leh Victor Boniface (August) ten an dawng bawk.

Nigerian striker Boniface hi Bundesliga zinga mi thar ṭha ber, Rookie of the Season-ah thlan a lo ni tawh a, Belgian club Union SG aṭanga Leverkusen pantu hi league-ah match 23 khela goal 14 khungin, assist vawi kua a nei.