Oklahoma lakah Warriors leh Curry an lian

Ningani zing NBA Western Conference Fi-nals Game 2 inkhelah Stephen Curry chuan player ṭha chungchuang bik a nih zia a lantir. MVP Curry hian quarter thum-naah minute hnih chhung lekin point 15 score zawnin Golden State Warriors chu Oklahoma City Thunder lakah 118-91 in hnehna a chanpui.

Thunder hian Game 1-ah hnehna an lo chan tawh avangin best of seven series-ah 1-1 chiah a ni a, Thawhṭanni zing dar 5:30-ah Game 3 an khel leh ang.

Oracle Arena, Oak-land-a inkhelah champion lai Warriors-in inkhel hmasa zawka an chetsual tawh avangin tawlhthluk nawn an tum lo tih a chiang a, quarter hmasa berah point sarihin an sang fal nghal. Quarter thum an khelh zawh meuh chuan Warriors hi point 20 zeta sang fal tawhin awlsam takin hnehna an chang.

Point guard Curry hian inkhel pumpuiah point 28 score-in an team tan a thawhhlawk ber a, shoot vawi 15 a neih aṭanga vawi kua lutin three point-ah bik ṭum riat a shoot
aṭangin vawi nga a lut bawk. Curry bakah hian Klay Thompson chuan point 15 score-in Dray-mond Green chuan assist vawi riat a neih bakah re-bound ṭum sarih a la bawk.