Demichelis-a'n pawisa chawi dawn

England rama football thuneitu sang ber Football Association chuan Manchester City defender Martin Demichelis chu pawisa inthapna lama a lo inhman avangin dan bawhchhiaah an puh a, £22,058 (Rs. 2,160,232) chawi turin an hriattir.

Argentina defender hian January 22 leh February 15 inkara football match
ṭhen-khatah a pawisa a lo thap ve nual a, hei hi dan phal loh a nih avangin pawisa hi chawitir a ni ta a ni.

FA-in kum 2014-15 aṭanga dan a hman ṭanah chuan player emaw coach-te'n football lam hawi zawnga pawisa inthapna leh sumdawnna hmunah reng reng an inrawlh ve a thiang lo.

Kum 35-a upa defender hian September 2013 khan Atletico Madrid aṭangin Manchester City hi a pan a, Eng-lish club-ah hian season thum hun hmag tawhin an defender pawimawh a ni.