Ronaldo hoa khel tur Portugal

Cristiano Ronaldo chuan a vawi 12 nan Portugal tan major international tournament a khel dawn - kumin nipui laia khelh tur Euro 2024 squad-ah telh a ni.

Kum 29 mi Ronaldo hian Portugal tan match 206 a khelh aṭangin goal 128 a khung a, ram tana goal khung hnem lamah a chungnung ber, a record ṭha tak tih ngheh zual theihna remchang a nei ang.

Portugal coach Roberto Martinez-a'n player 26 a ko a, heng zinga pasarih chu forward niin Ronaldo hoin an khel leh ang. Martinez chuan goal hmaa chetla turin Ronaldo hi an la mamawh thu a sawi a ni.

Euro 2004 khan Ronaldo hian an ram tan inelna lian a hmachhawn ṭan a, an ram hi Euro 2016 khan a champion pui bakah Nations League (2018-19) a lakpui tawh bawk.

Premier League player pakua koh niin - Bruno Fernandes, Diogo Dalot, Bernardo Silva, Ruben Dias, Joao Palhinha leh Diogo Jota te an langsar a, koh loh zingah Jose Sa, Nelson Semedo leh Pedro Neto te an langsar thung.

Portugal hi Group F-ah Czech Republic, Turkey leh Georgia te nen an awm khawm a, an match hmasa ber chu June 18 hian Czech Republic nen an khel dawn a ni.

Portugal squad:

Goalkeepers: Diogo Costa (Porto), Jose Sa (Wolves), Rui Patricio (AS Roma)

Defenders: Antonio Silva (Benfica), Danilo Pereira (Paris St Germain), Diogo Dalot (Manchester United), Goncalo Inacio (Sporting), Joao Cancelo (Barcelona), Nelson Semedo (Wolves), Nuno Mendes (PSG), Pepe (Porto), Ruben Dias (Manchester City)

Midfielders: Bruno Fernandes (Manchester United), Joao Neves (Benfica), Joao Palhinha (Fulham), Otavio Monteiro (Al Nassr), Ruben Neves (Al-Hilal), Vitinha (PSG)

Forwards: Bernardo Silva (Manchester City), Cristiano Ronaldo (Al Nassr), Diogo Jota (Liverpool), Francisco Conceicao (Porto), Goncalo Ramos (PSG), Joao Felix (Barcelona), Pedro Neto (Wolves), Rafael Leao (AC Milan).