Copa khel turin Messi a inpeih

Lionel Messi chuan Copa America 2024 khel turin a inpeih tih a sawi - world champion hian South America khawmualpuite inelna hmachhawn tur an squad an puang a, captain Messi hoin an inlan leh dawn a ni.

Argentina hian Copa America hmain June thla tir hian Ecuador leh Guatemala te chu friendly match an khelh pui dawn a, tun ṭuma an player kohte hi Copa atan rin tlang tura ngaih an ni, an zingah hian AS Roma forawrd Paulo Dybala chu koh loh langsar zingah a tel.

Messi chuan, "Ka taksa leh rilru a inpeih bakah ramt an ka la ṭha tawk a nih chuan Argentina tan hian ka theih chen chen ka khel ang," a ti. Copa America a khel dawn tih a chiang tawh a, a hnu lam erawh a sawi lawk thei lo thung.

Argentina hian Messi ho hian Qatar World Cup leh Copa America nomawi an chawi tawh a, ram tana title lak theih sang chu an la kim tawh, tun ṭumah pawh hian champion tura rinkai an ni ang a, thil chiangsa erawh a ni dawn lo.

Group A-ah Argentina hi Peru, Chile leh Canada te nen an awmkhawm a, inelna hi June thla chawhnu lamah an nei ṭan dawn a ni.

Argentina squad:

Goalkeepers: Franco Armani, Geronimo Rulli, Emiliano Martinez.

Defenders: Gonzalo Montiel, Nahuel Molina, Leonardo Balerdi, Cristian Romero, German Pezzella, Lucas Martinez, Nicolas Otamendi, Lisandro Martinez, Marcos Acuna, Nicolas Tagliafico, Valentin Barco.

Midfielders: Guido Rodriguez, Leandro Paredes, Alexis Mac Allister, Rodrigo De Paul, Exequiel Palacios, Enzo Fernandez, Giovani Lo Celso.

Forwards: Angel Di Maria, Valentin Carboni, Lionel Messi, Angel Correa, Alejandro Garnacho, Nicolas Gonzalez, Lautaro Martinez, Julian Alvarez.