UFC fighter hlui Herrera a thi

Mixed Martial Arts (MMA) fighter hriat hlawh Geane Herrera chu kum 33 mi niin a thi a, Colombian fighter hi Tampa, Florida-ah bike accident vangin a thi niin an tarlang.

UFC flyweight lamah pawh lo inlan tawh Herrera hian a professional career-ah vawi 13 fight hmachhawnin, heng zinga pali chu UFC-ah a ni a, vawi 10 hnehna changin, vawi thum a tlawm thung - kum sarih chhung MMA-ah hian hun a hmang.

Herrera chhungte chuan a thih thu hi tarlangin, "Geane, kan thinlungah i cham reng tawh ang. Geane hian a fapa kum 16 mi, thla thum mi nau pai mek a ṭhiannu, a nu, a pa, a unaunu te, a unaupa leh a chhung, amah hmangaihtu leh ngai em em turte a kalsan a ni," an ti.

Kum 2015 khan Herrera hian UFC-a a match hmasa ber khelin, Ray Borg a hmachhawn a, unanimous decision-in a tlawm. Borg chuan, "Mi ṭha tak a ni a, he hun harsaah hian amah leh a chhungte tan ka ṭawngṭai a ni," a ti.

'La Pulga' hian kum 2021 khan Bare Knuckle Fighting Championship (BKFC) hmachhawnin, BKFC-a fight a hmachhawn awmchhunah technical knockout hmangin a chak.