Mercedes team zinga miin hri an kai

Formula 1 team champion Mercedes team member zinga mi ten Covid-19 an kai a, team thupuangtu chuan an driver Lewis Hamilton leh Valtteri Bottas te erawh an filhlim thu a sawi.

Pathianni tlai dar 5:40 hian Eifel Grand Prix tlan a ni dawn, Nuerburgring khawpuia intlansiak turin Mercedes hi an inbuatsaih mek - hri kai awm mah se driver pahnih an him avangin inelna an hmachhawn ang.

Hrileng vangin F1 season hi ṭan tlai a ni a, inelna an neih hnuah Racing Point driver Sergio Perez chauh chu hri leng vanga intlansiak thei lo a la awm. Team member zingah kai awm ve bawk ṭhin mah se driver tam zawk chu an la vannei rih.

Intlansiak vawi 10 an hmachhawn tawh chinah Hamilton-a'n hma a la hruai a, a teammate Bottas nen an inkarah point 44 zet a awm. Britain driver hian a vawi sarih nan world title a la leh ngei dawn niin a lang.