Mesut Ozil an hnawl
Arsenal chuan Europa League khel tur squad an puang a, an playmaker Mesut Ozil hming a tel lo. Ozil bakah hian Sokratis Papastathopoulos leh William Saliba te chu telh an ni lo bawk.
Kum 31 mi Ozil hian tun season daih hi contract a la nei mek, mahse Gunners lam hian chhawr zui an tum tawh lo a nih hmel. Germany international hlui leh club inkar boruak hi chiang taka puan chhuah ni lo mah se a ṭha lo tih chu a chiang.
Ozil a tel loh laia nipui bazar tawp nia an lakluh Thomas Partey erawh ziah luh a ni thung. Squad hi kumin chhung hman tur a ni a, nakkum January thlaah season chawhnu lam a mi tur siamṭhat leh a ni dawn.
North London club hian group stage an match hmasa berah October 22 hian Rapid Vienna an hmachhawn ang. Group B-ah Dundalk leh Molde te an hmachhaw zui leh bawk dawn a ni.
Arsenal Europa League squad
Goalkeepers: Bernd Leno, Runar Runarsson, Matt Macey, James Hillson, Dejan Iliev.
Defenders: Hector Bellerin, Gabriel, Rob Holding, Cedric Soares, Shkodran Mustafi, Calum Chambers, Pablo Mari, David Luiz, Sead Kolasinac, Kieran Tierney.
Midfielders: Dani Ceballos, Willian, Ainsley Maitland-Niles, Thomas Partey, Mohamed Elneny, Granit Xhaka.
Forwards: Alexandre Lacazette, Pierre-Emerick Aubameyang, Nicolas Pepe.
Homegrown player: Reiss Nelson, Bukayo Saka, Joe Willock, Emile Smith Rowe.