Wijnaldum-a'n Barca lam a hawi lo?

Liverpool midfielder Georginio Wijnaldum chuan Barcelona nena sawi zawm an ni chu thil tak tak nia a hriat loh thu a sawi a, "Tuna a lan dan chuan Liverpool-ah ka cham zel dawn," a ti. 

Kum 29 mi midfielder chuan, "Thla 10 chhung atan contract ka la nei a, chu chu thlak danglam theih erawh a ni. Football-ah chuan eng pawh thleng thei a ni," tiin a sawi zui. 

Reds boss Jurgen Klopp chuan nipui transfer lai khan Gini leh club nena an inkarah buaina a awm loh thu a sawi a, July 2016 a pound maktaduai 25 a Newcastle United aṭanga a lakluh midfielder hi  tun season a league match li an khelhah bul a la ṭantir vek. 

Gini chuan, "Barca-in min duh thu an sawi kha a tak tak ni pawhin ka hre lo a, ni lo se chu hei aia tam chhiar tu a awm ang a, hmalakna pawh a awm hial ang," a ti a, Barca hian an dawr tak tak lo niin a lang.