McTominay leh Tierney awmna Scotland

Scotland manager Steve Clarke chuan European Championship 2024 khel tur player 28 a ko a, ram tana la inlan ngai lo pahnih Ben Doak leh Ross McCrorie te hming langin, kum thum deuh thaw koh a nih loh hnuah James Forrest chu koh a ni bawk.

Doak hi ram tan under 21 lamah chuan ṭha takin a inlan tawh, season hman zawh takah khan Liverpool tan beiseiawm takin a khel bawk - khup hliam vangin December thla hnu lamah erawh a la inkhel leh lo thung.

Manchester United midfielder Scott McTominay leh Arsenal defender hlui Kieran Tierney te hming a langsar a, Liverpool tana nomawi hrang hrang chawi tawh Andy Robertson chu tlarhnung lama rinrawl a ni dawn bawk.

Scotland hi Group A-ah inelna thlengtu Germany, Switzerland leh Hungary te nen an awmho. A thlengtu Germany nen hian June 14 zanlaiah Euro 2024 match hmasa ber an khel dawn a ni.

Scotland squad:

Goalkeepers: Zander Clark (Hearts), Craig Gordon (Hearts), Angus Gunn (Norwich City), Liam Kelly (Motherwell)

Defenders: Liam Cooper (Leeds United), Grant Hanley (Norwich), Jack Hendry (Al-Ettifaq), Ross McCrorie (Bristol City), Scott McKenna (Copenhagen), Ryan Porteous (Watford), Anthony Ralston (Celtic), Andy Robertson (Liverpool), John Souttar (Rangers), Greg Taylor (Celtic), Kieran Tierney (Real Sociedad)

Midfielders: Stuart Armstrong (Southampton), Ryan Christie (Bournemouth), Billy Gilmour (Brighton & Hove Albion), Ryan Jack (Rangers), Kenny McLean (Norwich), John McGinn (Aston Villa), Callum McGregor (Celtic), Scott McTominay (Manchester United)

Forwards: Che Adams (Southampton), Ben Doak (Liverpool), Lyndon Dykes (Queens Park Rangers), James Forrest (Celtic), Lawrence Shankland (Hearts).