Ibrahimovic a la dam lo

Zlatan Ibrahimovic chu Covid-19 lak aṭangin a fihlim tawh em tih endik a la ni a, hri leng hian a la kian san lo. October 17 a AC Milan leh Inter Milan ten Serie A match pawimawh an khelh turah a inlan theih loh mai a rinawm ta hle.

Ibra hi coronavirus a kai avangin enkawl mek a ni a, Milan squad zawm leh tur chuan endikna vawi hnih neihah hri lak aṭangin a fihlim ngei tawh tih a chian a ngai - tunah chuan a nghah leh a la ngai dawn.

Milan player zinga mi Brazilian defender Leo Duarte erawh hri a kai tawh lo. Inter Milan player zingah pawh midfielder pahnih Radja Nainggolan leh Roberto Gagliardini te chuan hri hi an la kai mek a ni.