Final-ah Chhinga Veng

Cricket Association of Mizoram (CAM) hnuaia inelna lian - Mapuia Memorial Mizoram Cricket League (MCL) final khel turin Chhinga Veng an tlang, nimin khan an khingpui Zarkawt Lords chu run 63-in an hneh.

Suaka Ground, Sihhmuiah Chhinga Veng a che fuh thei hle, league round lama chak kim an nihna chu Qualifier 1-ah pawh a lang, an chak theih nan hian run 24 siamtu B. Lalnunfela leh Marcus Lalpekhlua (21) te an che ṭha hle.

Nimin chawhnu lam khan Eliminator khelh zui niin, rinkai zinga mi Ramhlun Venglai chu Kulikawn nen super over an khelh hnuin an chak lo a, an zinkawng a tawp. Kulikawn hian Zarkawt Lords nen Qualifier 2 an khel leh ang.