Chelsea keeper Mendy a inhliam

Frank Lampard-a'n international break-ah chanchin lawmawm lo hriat tur a nei a, goalkeeper Edouard Mendy chu Senegal tana a training-na lamah a malpuiah a inhliam. 

Kum 28 mi Mendy hian tlarhnung lama Chelsea buaina chingfel turin thla hmasa khan London club hi a zawm a, Premier League a a match hmasa berah Crystal Palace hmachhawnin goal a chhuah lo. 

Mahse, Chelsea keeper thar hian ram tan a training-naah hliam a nei zui a, Senegal hian London lama inenkawl turin an thawn haw zui. 

Rennes aṭanga Blues zawmtu keeper chawlh chen tur hi tarlan a ni lo a, October 17 zana Southampton an hmachhawn hun turah a dam hman lo a nih chuan Kepa Arrizabalaga emaw Willy Caballero emaw ten si ban an nghah a ṭul dawn. 

Spanish keeper Kepa hian Chelsea-ah hmun chang phak lo mah se Spain squad-ah koh a ni a, Nilaini zana Portugal nena friendly match an khelhah goal a chhuah loh avangin inrintawkna a neih belh ang.