Baggies player pahnih an chhuak

West Brom chuan an player pahnih midfielder Stephane Sessegnon leh striker Victor Anichebe-te chu The Hawthorns-a an contract a zawh tawh avangin chelh zui loin an chhuah zalen.

Kum 31-a upa Sessegnon hian September 2013 khan a hunlaia West Brom player man to ber ni turin Baggies hi a zawm a, season thum chhunga vawi 92 a inlanah goal riat a khungsak a ni.

Everton aṭanga pound maktaduai 6-a kum 2013 veka Baggies pantu Victor Anichebe hian West Brom tan match 63 khelin goal kua a khungsak thung. Anichebe chuan, "West Brom ka cham chhunga min ṭawiawmtu fan-te chungah lawmthu ka sawi a, ka duhsakna sang ber ka hlan a ni," tiin a club hlui hi a mangṭha.

West Brom boss Tony Pulis chuan, "Rim taka hnathawk ṭhin player an ni a, kan tan chuan rangkachak hlu tak ang mai an ni ṭhin," tiin player pahnihte chu a thlah.