Atletico Madrid-ah Saul a nghet

Champions League final khel tur Atletico Ma-drid chuan an midfiel-der Saul Niguez chu kum nga chhung atan contract thar an ziah pui a, kum 2012 thlang Vicente Calderon-ah hun a hman chhunzawm dawn tihna a ni ang.

Kum 21-a upa Saul hian March 2012-a Atletico leh Besiktas ten Europa League an khelh ṭumin a club tan a match khatna a khel a, hemi hnu hian Rayo Vallecano-ah loan in a chhuak.

Kuminah Atletico tan a khel
ṭha tlung hle a, Champions League semifinal-a Bayern Munich an hneh ṭumin goal ropui a khung nghe nghe a, midfield-a player ṭha thlan tur ngah tak Vicente del Bosque-a'n Euro 2016 khel tur pawhin a ko hial a ni.

Saul chuan Atletico kawr sen a ha chhunzawm thei tur chu a lawm thu a sawi a, Atletico sporting director Jose Luis Cami-nero pawhin, "Saul hi a naupan deuh lai aṭang tawha kan enkawl a nih avangin kan hre chiang a, footballer ṭha bik a nih avangin kan hnena hun rei zawk a cham tur hian min ti lawm hle," tiin a sawi.