TNT tak tak kan hmu

Zothan Auto Works Pro-Volleyball League Round 3 chu Nilaini zan khan khelh chhunzawm leh a ni a, TNT chuan team ṭha leh tlo an nih zia lantirin Hmingi VC lakah 3-0 in hnehna an chang. TNT hian match thum an khelh tawh aṭanga point ruk hlawh chhuakin final luh an beiseina an chhem nung zel.

Dengṭhuama In-door Stadium, Mual-puia inkhel-ah TNT hian harsatna an tawk loah a ngaih theih a, 25-12, 25-23, 25-16 a hnehna changin Vanlalchhantluanga, Lal-dinsanga, Lallung-muana leh C. Lalram-nunfela te khelh ṭhat zan a nih avangin Hmingi VC tan tih theih a tam lo. TNT player Lallungmuana chu man of the match atan thlan a ni.

Nizana Hunthar VC leh Anastasia te inkhel result kan hre hman lo a, zanin dar 7:45 hian a hmun ngaiah Hmingi VC leh Chanmari West te an inkhel ve leh ang.

May 27, Zirtawpni zan hian league round khelh zawh hman tura ruahman a ni.