Kan tho leh ang - Klopp

Liverpool boss Jurgen Klopp chuan Europa League final-a an tlawm chhan chu ama thiam loh a nih thu sawiin, tun aia ṭha leh chak zawka an lo kir leh tur thu a sawi.

Reds manager chuan, "Kan thiamna 50%-60% vel ang bakin kan khel chhuak lo a, chu chu kan pawm a ngai a ni. Kan chak lohnaah hian mawhphurtu chu keimah ka ni a, zanin kan tihsual aṭang hian insiamṭhain tun aia ṭha leh chak zawkin kan lo kir leh ang tih hi ka tiam duh a ni," tiin a hnual lo.

Klopp chuan, "Tumah sawisel ka tum lo a, ka player-te pawh ka titipui tawh a ni. Champions League khelh loh chung-chang min zawt a nih chuan kan hun awl neih kan chhawr ṭangkai ang, tih ka sawi duh. Squad neih chhah lam a ni lo a, a pawimawh chu training lama kan thawhrim lehzual a ni," tiin hmalam pana Reds kalpui a tum.

Hetih rual hian German manager chuan an chak lohna lai thuam ṭhat an tum thu sawiin, "Season thar-ah chuan he team hi a danglam tawh dawn. Transfer bazar-ah player kan la lut nual dawn a ni," a ti a, season tharah Reds kawr ha tur player langsar kan hmu nual a nih pawhin a mak lo ang.