Bale telna Spurs-in nomawi an hnaih dawn - Barnett

Tottenham Hotspur lama a kir hnuah Gareth Bale-a'n hliam vangin khelmual la mawi thei lo mah se a agent chuan a player hi a hlawhtlin tur thu a sawi a, "Spurs hian Bale hoin nomawi an hnaih hle ang," a ti. 

Barnett chuan sawi chhun-zawmin, "Tottenham hian squad ṭha tak an nei a, coach ṭha tak an neih bawk avangin, Gareth-a puihna nen league nomawi an hnaih khawp ang.

"Arsenal ṭantu ka nih avangin he thu sawi hi nuam ka ti lo a, mahse hei hi thil nihna tak chu a ni si," tiin a player hi a fak hle. 

Gareth Bale hian Spurs training a zawm tawh a, Benfica aṭanga London club zawmtu striker Carlos Vinicius nen Jose Mourinho hoa club training an zawm.

Spurs hian October 18, zan dar 9:00-ah West Ham chu Premier League match khel turin an mikhual dawn a, Bale hi a inlan thei tawh a nih pawhin a mak lo ang.