Liverpool-in keeper thar an neiLiverpool-in keeper thar an nei

Premier League champion Liverpool chuan goalkeeper thar an nei a, Fluminense aṭangin Marcelo Pitaluga chu pound maktaduai 1.8-in an lalut.

Kum 17 mi goalkeeper hi first team tan erawh a khelh nghal a rinawm loh a, academy lamah a inzir chhunzawm phawt a rinawm zawk. 

Nikuma FIFA Under 17 World Cup a Brazil champion team-ah khan Pitaluga hi a khel a, heta ṭang hian Reds lam chuan an lo enthla tawh niin an sawi. 

Liverpool first choice keeper Alisson Becker-a unaupa Muriel chu Pitaluga khelhna Fluminense-ah hian goalkeeper a ni a, Liverpool head of goalkeeping John Achterberg chuan Muriel-a puihna an tan a ṭangkai thu a sawi. 

Achterberg chuan, "Coaching staff lamin uluk taka a inkhel an en bakah Ali hi a unaupa lo be turin ka ngen a, Ali hian Fluminense training-na ava chhim a ni," tiin Pitaluga lalut tura Alisson ṭangkaina a sawi. 

Liverpool hian an midfielder Marko Grujic chu Portuguese champion FC Porto-ah season khat chhung loan a khel turin an chhuahtir bawk a, Serbian midfielder hian tun hnai season hnih kha Bundesliga club Hertha BSC-ah loan-in hun a hmang. 

Jurgen Klopp-a enkawl Liverpool hian September 17-ah Premier League match an khel leh dawn a, Everton nen Meseyside derby-ah an inhmachhawn ang.