Player hlawh hnem zingah Gerrard leh Lampard

Nikuma Major League Soccer lama insawn Liverpool captain hlui Steven Gerrard leh Chelsea legend Frank Lampard-te chu MLS player hlawh hnem zual panga zingah an lang phak a, AC Milan player ropui ṭhin Kaka chu hlawh hnem ber a ni thung.

Kum 35-a upa Gerrard hian LA Galaxy tan a khelh manah kum khatah pound maktaduai 4.2 bawr vel hlawhin MLS player zinga hlawh hnem ber palina a ni a, a hnuai chiahah hian pound maktaduai 4.1 bawr vel hlawhtu Frank Lampard a awm a, ani hian New York City tan a khel thung.

FIFA world player of the year pawh lo ni tawh Kaka hian Orlando City tan MLS-ah a khel mek a, Real Madrid midfielder hlui hian kum khatah pound maktaduai 4.9 zet a hlawh a ni.

MLS Players Union-in player-te hlawh a tih chhuahah hian Montreal for-ward Michael Salazar chu hlawh tlem ber a ni a, kum khatah £35,260 a hlawh - Kaka ni thum hlawh aiin a tlem zawk tihna a ni a, India pawisa erawh chuan nuai 34.6 bawr vel a la ni cheu tho.

MLS players hlawh hnem top 5

1.Kaka, Orlanda City £4,908,204

2.Steven Giovinco, Toronto £4,872,633

3.Michael Bradley, Toronto £4,451,109

4.Steven Gerrard, LA Galaxy £4,199,450

5.Frank Lampard, New York City £4,108,66