Hunthar hnehtu Anastasia-in hma hruai

Anastasia VC, Elec-tric Veng chuan Hunthar VC chu 3-0 a hnehin point 10 an hmu ta a, Zothan Auto Works Pro Volleyball League table-a hmahruaitu an ni.

Dengṭhuama Indoor Stadium, Mualpuia inkhelah hneh loh la tawng lo pahnih inkhel hi a boruak a nung hle a, team naupangte Anastasia hi an zam mai tura rin a ni hman. Mahse, an puitlin zia an lantirin 25-14, 25-22, 27-25 a hnehna changin man of the match atan Shiva Singh thlan a ni nghe nghe.

May 24, Thawhlehni zan khian league round hi khelh chhunzawm leh tur a ni a, final luh la in beisei table-a pathumna ni mek TNT leh palina 3rd Bn MAP te an inhmachhawn ang.